بیجنگ: ( ہم دوست نیوز ) کتوں کے بعد اب گلہریاں بھی منشیات کی نشان دہی کرنے کی تربیت حاصل کرنے لگیں ہیں ۔
منشیات فروشوں کے خلاف جاری اپنی جنگ میں چینی شہر چونگ چنگ کے محکمہ پولیس نے اب گلہریوں سے مدد حاصل کرنا شروع کی ہے، اس ضمن میں 6 گلہریوں کا پہلا دستہ تیار کر لیا گیا ہے کیوں کہ وہ سونگھنے کے غیرمعمولی صلاحیت رکھتی ہیں۔
گلہریوں کی تربیت کرنے والے ماہرین نے میڈیا کے نمائندوں سے گفتگو کرتے ہوئے کہا ہے کہ اس کام میں جس ٹیکنالوجی سے مدد حاصل کی گئی ہے وہ ملکی سطح پر تیار ہوئی ہے، اس کے علاوہ گلہریوں کی تربیت کا پورا طریقہ بھی چینی ماہرین کا اخذ کردہ ہے ، تاہم ان کو مختلف منشیات کو سونگھنے کی تربیت دی گئی ہے ،
ین جن کا کہنا ہے کہ جب ان گلہریوں کی عملی میدان میں آزمائش کی گئی تو وہ صلاحیت میں کسی بھی طرح سے سونگھنے والے انتہائی مہنگے کتوں سے کم نہیں تھیں۔
اس کے علاوہ اس کا دوسرا بڑا فائدہ یہ ہے کہ یہ گلہریاں چھوٹی، پھرتیلی اور مشکل جگہوں تک بھی پہنچ جاتی ہیں۔
