لندن: ( ہم دوست نیوز ) برطانیہ میں ایک شخص نے 100 سال سے زائد عرصہ قبل بھیجا گیا ایک خط موصول کیا ہے ، جو در حقیقیت ان کے گھر کی پرانی مکین کو 1916 ء کے ابتداء میں لکھا گیا تھا۔
لندن سے تعلق رکھنے والے فِنلے گلین نے کہا ہے کہ چند سال قبل ان کے گھر کے پتے پر ان کو یہ خط موصول ہوا تھا لیکن یہ خط کسی اجنبی شخص کے لیے لکھا گیا تھا اور اس پر بہت ہی پرانی مہر ثبت تھی۔
فِنلے کا کہنا ہے کہ انہوں نے دیکھا کہ اس پر سال 16 لکھا ہواہے ، جس سے وہ سمجھے کہ یہ خط پر 2016 ء لکھا ہے۔ لیکن بعد ازاں انہوں نے غور کیا کہ مہر پر برطانیہ کی ملکہ کے بجائے بادشاہ کا چہرہ تھا ، لہٰذا ان کو یہ احساس ہوا کہ یہ 2016 ء تو نہیں ہوسکتا۔
یہ خط اس وقت ’اوسولڈ مارش‘ کے نام لکھا گیا تھا اور خط بھیجنے والے کی شناخت کرسٹیبل مینیل کے نام سے کی گئی ہے۔
فِنلے کا بتانا تھا کہ جب ان کو یہ احساس ہوا ہے کہ یہ خط بہت ہی پُرانا ہے، تو اس کو کھولنے میں کوئی مضائقہ نہیں ہے ۔
