(ہم دوست نیوز) ایک برطانوی جوڑے نے گنیز ورلڈ ریکارڈ میں یہ درخواست جمع کروائی ہے کہ ان کے ناموں کا ڈبل سیٹ اور پیڈل والی سائیکل پر سواری کے ذریعے 180 دنوں میں 21 ممالک سے ہوتے ہوئے 18 ہزار میل طے کر کے دنیا کا چکر لگانے کے حوالے سے ، عالمی ریکارڈ میں اندراج کیا جائے۔
برطانیہ سے تعلق رکھنے والی لورا میسی اور ان کے شوہر اسٹیو میسی یکم دسمبر کو جرمنی کے صدر مقام برلن پہنچے تھے ، جوڑے نے چھ ماہ قبل یہیں سے اپنی یہ منفرد عالمی سائیکل سواری کا تیز ترین ریکارڈ بنانے کی کوشش کا آغاز کیا ۔
اس جوڑے کا کہنا تھا کہ انہوں نے دنیا کے گرد چکر لگانے کی اپنی یہ کوشش ڈبل سائیکل سوار کے ریکارڈ کو اپنی ہم وطن خواتین سائیکل سوار جوڑی راز مارسڈن اور کیٹ ڈکسن سے کم وقت اور کم دنوں میں بنانے کے لیے شروع کیا تھا۔
یاد رہے کہ کیٹ ڈکسن اور راز مارسڈن نے یہ ریکارڈ 263 دن اور 8 گھنٹوں اور 7 منٹ میں بنایا تھا، جبکہ لورا اور اسٹیو میسی نے نیا عالمی ریکارڈ 180 دنوں میں بنایا ہے۔
اس سے قبل مردوں کی ٹیم کا یہ ریکارڈ 281 دن ، 22 گھنٹے اور بیس منٹ کا تھا ، گنیز ورلڈ ریکارڈ لسٹ میں مکسڈ ورژن ریکارڈ کی ایک کیٹگری موجود ہے لیکن اس کیٹیگری میں ابھی تک کوئی بھی ریکارڈ ساز نہیں ہے۔
