کراچی: ( ہم دوست نیوز ) اسٹیٹ بینک آف پاکستان نے ڈیجیٹل ادائیگیوں کی حوصلہ افزائی کرنے کے لیے ڈیبٹ اور کریڈٹ کارڈز سے خریداری پر مرچنٹ چارجز انتہائی کم کر دیئے ہیں۔
ترجمان کے مطابق اسٹیٹ بینک آف پاکستان نے کریڈٹ کارڈز پرانٹرچینج ای امبرسمنٹ فیس کی شرح کو کم کر کے 0.7 فی صد کر دیا ہے جب کہ کریڈٹ کارڈز کے لیے 0.2 فی صد مقرر کی ہے۔
اسٹیٹ بینک آف پاکستان کی جانب سے جاری تفصیلات کے مطابق ڈیبٹ اور کریڈٹ کارڈز کے ذریعے خریداری کی حوصلہ افزائی کے لیے اسٹیٹ بینک نے مرچنٹ ڈسکاؤنٹ ریٹ کی حد ختم کر دی ہے، اب مرچنٹس بینکوں کے ساتھ ایک اعشاریہ پانچ فی صد سے کم شرح پر بات چیت کر سکتے ہیں۔
یاد رہے کہ فروری کے دوران کریڈٹ کارڈز کے ذریعہ خریداری کے رحجان میں سالانہ بنیادوں پر 32.9 فی صد تک کی نمو ریکارڈ کی گئی ہے ۔
