لاہور( ہم دوست نیوز)امیر جماعت اسلامی پاکستان سراج الحق کا کہنا ہےکہ ملک میں مہنگائی پر وزیراعظم شہباز شریف بھی رو رہےہیں۔
امیر جماعت اسلامی پاکستان سراج الحق نےملتان اور لاہورمیں ورکرز کنونشن سےخطاب کیا اور پیٹرول قیمتوں سےمتعلق ایک بیان بھی جاری کیا۔
انہوں نےکہاکہ کبھی نواز شریف تو کبھی عمران خان کہتا ہےمجھےکیوں نکالا،اب شہباز شریف بھی یہی کہیں گےکہ انہیں کیوں نکالا۔
انہوں نےاستفسار کیا کہ پاکستان کو کس نےبرباد کیا؟ کون ذمے دار ہے؟ملک میں مہنگائی پروزیراعظم بھی رو رہےہیں۔
انہوں نےمزید کہاکہ حکومت ریلوے،ایئرپورٹ سمیت دیگر ادارےبیچنا چاہتی ہے،ہم کسی کو بھی ادارے بیچنےنہیں دیں گے۔
ان کا کہنا تھاکہ پی ٹی آئی اور مسلم لیگ سمیت سب نےجنوبی پنجاب کو صوبہ بنانےکا وعدہ کیا۔
امیر جماعت اسلامی پاکستان سراج الحق نے یہ بھی کہاکہ آئی ایم ایف کی غلامی میں حکمرانوں نے ایک مرتبہ پھر عوام پرپیٹرول بم گرایا،اب آٹے کی قیمت میں مزید اضافہ ہوگا۔
انہوں نےکہاکہ حکمرانوں کا احتساب کرنے والا کوئی نہیں،یہ خود کو قانون سےبالا تر سمجھتے ہیں۔
یہ بھی پڑھیں: گلگت بلتستان: بجلی صارف کو تقریباً 14 کروڑ کا بل موصول
سراج الحق نےکہاکہ حکمران امریکا جاتےہیں لیکن ایک باربھی ڈاکٹر عافیہ صدیقی کی رہائی کی بات نہیں کرسکے۔
