اسلام آباد: ( ہم دوست نیوز ) ڈسٹرکٹ اینڈ سیشن کورٹ اسلام آباد نے رہنما پی ٹی آئی اسد عمر کی تھانہ ترنول میں درج مقدمے میں عبوری ضمانت میں توسیع کر دی ہے ۔
اسد عمر کے خلاف ایڈیشنل سیشن جج طاہر عباس سِپرا نے تھانہ ترنول میں درج مقدمہ میں عبوری ضمانت کی سماعت کی ہے ۔
ایسوسی ایٹ پراسیکیوٹر نے سماعت کے دوران عدالت سے سماعت ملتوی کرنے کی استدعا کی تو اسد عمر کے وکیل نے کہا کہ میں یہ چاہتا ہوں آج ہی اس کے دلائل مکمل کر دوں۔
جج طاہر عباس سِپرا کا یہ کہنا ہے کہ پراسیکیوٹر تو آئے ہی نہیں ہیں، لہٰذا دلائل کے لئے اگلی تاریخ رکھ لیتے ہیں، پراسیکیوٹر اپنی والدہ کی وفات کہ وجہ سے عدالت میں پیش نہیں ہو سکے ۔
عدالت نے پی ٹی آئی کے رہنما اسد عمر کی عبوری ضمانت میں توسیع کرتے ہوئے سماعت کو 10 جون تک ملتوی کر دیا ہے ۔
