ملتان : ( ہم دوست نیوز ) صوبہ پنجاب کے ضلع ملتان میں ایک ہی گھر سے تین خواتین کی لاشیں برآمد کر لی گئی ہیں۔
پولیس ذرائع کے مطابق یہ افسوس ناک واقعہ ملتان کے علاقے ممتاز آباد میں پیش آیا ، جہاں پر ایک ہی گھر سے کئی دن پرانی لاشیں ملی ہیں جن کو پوسٹ مارٹم کے لیے اسپتال منتقل کردیا گیا ہے۔
پولیس ذرائع کے مطابق خواتین کی شناخت شمشاد بی بی، اور اس کی بہن نسرین اور بیٹی سمیہ کے نام سے ہو گئی ہے ۔
پولیس ذرائع کا مزید کہنا ہے کہ جس گھر سے خواتین کی لاشیں ملی ہیں اس کو باہر سے تالا لگا ہوا تھا ، یہ واقعہ قتل ہے یا پھر خودکشی، اس کی تحقیقات ابھی جاری ہیں ، تاہم یہ لاشیں 3 سے 4 دن تک پرانی ہیں جن کے حوالے سے پوسٹ مارٹم کی رپورٹ آ جانے کے بعد پتہ لگایا جاسکے گا کہ آیا ان خواتین نے خودکشی کی ہے یا پھر ان کو قتل کیا گیا ہے ۔
