کراچی(ہم دوست نیوز)کراچی میں پولیس اہلکار سمیت پانچ افراد کےخلاف کتےکو ہلاک کرنےکا مقدمہ درج کرلیاگیا۔
پولیس کےمطابق مقدمہ پاکستان پینل کوڈ کی سیکشن 429کےتحت درج کیاگیا ہے۔
کتے’جوجی‘ کی ہلاکت کیس میں فیروز آباد تھانے کےایس ایچ او نےایف آئی آر کی کاپی ایڈیشنل ڈسٹرکٹ اینڈسیشن جج شرقی کی عدالت میں پیش کردی۔
پولیس کےمطابق ایف آئی آر میں پولیس اہلکار علی، حسن،مصطفیٰ، وحید،علی کو نامزد کیاگیا ہے۔
مدعی مقدمہ ریاض حسین کاکہنا ہےکہ علی حسن اور مصطفیٰ سےکتے کےمعاملے پر میری تلخ کلامی ہوئی تھی،ملزمان نےمجھے دھمکی دی تھی کہ تمہارا کتا چند دن کا مہمان ہے۔
ریاض حسین کا کہنا ہےکہ دس فروری کو ملزمان نے میرا کتا چوری کیا اور بارہ فروری کو وہ ہل پارک کی کچراکنڈی میں مرا ہوا ملا۔
ریاض حسین کا کہنا ہےکہ ملزمان نے بےدردی سے کتےکو ہلاک کیا،اس کا سینہ جلا ہوا تھا۔
یہ بھی پڑھیں: کراچی میئر کا الیکشن ٹریلر ہے فلم ابھی باقی ہے، حافظ نعیم الرحمٰن
اس حوالے سےمدعی کےوکیل کا کہنا ہےکہ جرم ثابت ہونے پرملزمان کو پانچ سال قید اور جرمانے کی سزا ہو سکتی ہے۔
