لاہور(ہم دوست نیوز)عیدِ قرباں کی آمد آمد ہے اور گوشت کےشوقین افراد نے اپنے دانت تیز کرلیے ہیں، مگر اس عید پرصحت سےمتعلق کسی بھی قسم کی پریشانی سے بچنے کیلئےماہرین کیجانب سےتجویز کردہ چند اہم اورمفید مشوروں کو جاننا اور ان پرعمل کرنا بھی لازمی ہے۔
طبی ماہرین کااس حوالے سےکہنا ہےکہ عیدِ قرباں پر گوشت کےاستعمال میں اعتدال سےکام لیا جائے،گوشت کا زیادہ استعمال اسہال،بدہضمی، ڈائریا،ہیضہ اور پیٹ کےامراض میں مبتلا کرسکتا ہے۔
طبی و غذائی ماہرین کےمطابق ایک عام صحت مند فرد کو روزانہ60سے100 گرام گوشت استعمال کرنا چاہیےکیوں کہ100گرام گوشت میں تقریباً143کیلوریز، 3سے5گرام چکنائی،26 گرام پروٹین اورکئی وٹامنز اور معدنیات پائےجاتےہیں۔
ماہرین کاکہنا ہےکہ گوشت کی قسم،جانور کےجسم کی ساخت کےلحاظ سےمفید اجزاء کی مقدار مختلف ہوسکتی ہےلیکن افادیت یکساں ہی ہے۔
ہر قسم کےگوشت میں پروٹین، چربی یا چکنائی،وٹامن بی 12،زنک،وٹامن بی 6،آئرن اورسیلینئیم پایا جاتا ہےاور یہ سب ہی اجزاء کا ضرورت سےزیادہ استعمال مضرِ صحت ہوسکتا ہے اس لیے گوشت کو ہفتےمیں دو بار استعمال کیا جاناچاہیے۔
ماہرین کےمطابق ایک صحت مند فرد ایک ہفتے میں آدھا کلو گوشت استعمال کرسکتا ہے۔
ماہرین کا یہ بھی کہنا ہےکہ قربانی کا گوشت6ماہ تک فریزر میں رکھ کر استعمال کرتے رہنا مضرِ صحت عمل ہے، فریزر میں جما ہوا گوشت 12 ہفتوں تک استعمال کیا جا سکتاہے۔
گوشت پکانے سےمتعلق طبی ماہرین تجویز کرتے ہیں کہ گوشت کی اچھے طریقے سےصفائی کی جائے پھر اسےخوب پکا کر کھایاجائے۔
ماہرینِ امراضِ قلب کےمطابق دل کےامراض میں مبتلا افراد کو چاہیےکہ کلیجی،تلی،مغر اور گردے کا استعمال بالکل نہ کریں کیونکہ ان میں بہت زیادہ کولیسٹرول ہوتا ہے جو ان کیلئے نقصان دہ ہے۔
ماہرینِ غذائیت کا کہنا ہےکہ عیدِ قرباں کے دوران گوشت پکاتےوقت نہایت کم تیل کا استعما ل کیا جائے،درک،لہسن، ہلدی اور گرم مسالےضرور شامل کریں، اگر دو وقت گوشت کھایا ہےتو کوشش کی جائے کہ تیسرےوقت سبزی یا دال کا استعمال کرلیں۔
طبی ماہرین کا ہر سال کی طرح اس سال بھی تجویز کرنا ہے کہ گوشت کھانے کےبعد آدھا یا پونا گھنٹہ آرام کریں اور پھر چہل قدمی کریں،گوشت کےساتھ ساتھ پانی،لیموں پانی،سلاد،سبزیوں اور پھلوں کا استعمال بھی بڑھا دیں۔
