کراچی(ہم دوست نیوز)کئی ملکوں کا سائیکل پرسفر کرنیوالی جرمن خاتون سائیکلسٹ نےکراچی بھی دیکھ لیا۔
کراچی میں وقت گزارنے کےبعد 33سالہ میڈلین ہوفمن اب لاہور روانہ ہوگئی ہیں۔
عرب میڈیا رپورٹس کےمطابق میڈلین ہوفمن اپنی سائیکل بھی ساتھ لےکر حال ہی میں بذریعہ جہاز دبئی سےکراچی پہنچی تھیں جس کےبعد پاکستان ان کی سفری فہرست میں18واں ملک بن گیا ہے۔
میڈلین ہوفمن نےکراچی کی رونقوں کی تعریف کرتے ہوئےکہا ہےکہ مجھے کراچی کی رونقیں واقعی بہت پسند آئیں،مجھےاس شہر میں تاریخی عمارتیں اچھی لگیں جو کراچی کو قدیم اور جدید کا ایک مجموعہ بناتی ہیں۔
انہوں نےکہاکہ یہاں سب جگہ کھانا پینا اور لوگ ہیں، میں نےکچھ مقامی کھانے مثلاً آلو کا پراٹھا اور حلوہ پوری کھائی ہےاور ڈھیر ساری چائےبھی پی ہے،یہاں کی ثقافت کی دریافت میں بہت لطف آیا۔
عرب میڈیا سےگفتگو کرتےہوئے میڈلین ہوفمن نے کہا کہ گزشتہ سات ماہ میں کئی مسلم ملکوں کا سفر کیا ہےاور ان کی مہمان نوازی کو بہت شاندار پایا۔
انہوں نےمزید کہاکہ سعودی عرب میں میرا وقت بہت شاندار گزرا وہاں کےلوگوں کیوجہ سے اب اس ملک کا میرے دل میں بہت خاص مقام ہے،وہاں کےلوگ بہت مہمان نواز ہیں۔
یہ بھی پڑھیں: لاہور : منشیات اسمگل کرنیوالا ڈرون گر کر تباہ
عرب میڈیا کےمطابق میڈلین ہوفمن اردن، سعودی عرب،پاکستان اورمتحدہ عرب امارات سمیت 18ممالک کاسفر کرچکی ہیں۔
