لاہور(ہم دوست نیوز)امیر جماعت اسلامی پاکستان سراج الحق نےپی ڈی ایم حکومت پر500 ارب کےڈاکےکا الزام لگادیا۔
لاہور سےجاری بیان میں امیر جماعت اسلامی پاکستان سراج الحق نےبجلی کی قیمتوں میں اضافےپرردعمل دیا اور کہا کہ بجلی ٹیرف بڑھا کر عوام کی جیبوں پر 500 ارب کا ڈاکا ڈالا گیا ہے۔
انہوں نےکہاکہ بجلی کی قیمتوں میں اضافہ متوسط اور غریب طبقہ کےلیے قیامت سےکم نہیں،ٹیکسز شامل کر کےفی یونٹ قیمت56روپےتک پہنچے گی۔
امیر جماعت اسلامی نے مزید کہاکہ بجلی قیمت میں اضافے کو مسترد کرتےہیں،عوام کےحق کےلیے ہر فورم پر آواز اٹھائیں گے۔
اُن کا کہنا تھاکہ حکومت آئی ایم ایف معاہدہ قوم کے سامنےلائے،حکومت غریب عوام پر ظلم کے بجائےاپنی مراعات ختم کرے۔
یہ بھی پڑھیں: آرمی چیف کی ایرانی مسلح افواج کے سربراہ سے ملاقات
سراج الحق نےیہ بھی کہاکہ حکمران قرض خود ہڑپ کرتےہیں اور ادائیگی کےلیے عوام کو قربانی کا بکرا بنایا جاتا ہے۔
