لاہور(ہم دوست نیوز)پاکستان میں بجلی کےبل میں اضافے کےحوالے سےصورت حال انتہائی سنگین ہو چکی ہے،بہت سےلوگوں کا اس مہینےکا بجلی کا بل بہت زیادہ آیا ہے۔
بجلی کےبلوں میں اس قدر اضافہ ہوا ہےکہ خوشحال سمجھے جانےوالے افراد کو بھی صورتحال سےنمٹنا مشکل لگ رہا ہے۔
اداکارہ سعدیہ امام نےسوشل میڈیا پر بتایاکہ اُنہیں بجلی کا بل67 ہزار روپےموصول ہوا جس کےبعد اُنہوں نےبڑھتےہوئے اخراجات سےنمٹنے کے لیےاپنے گھر کو شمسی توانائی پر تبدیل کرنےکا فیصلہ کیا مگر تبدیلی کے بعد بھی اُنہیں19ہزار روپے کا بل موصول ہوا۔
میزبان ندا یاسر نےبتایاکہ ان کی پوری فیملی تقریباََ آدھےمہینے تو گھر سےدور چھٹیوں پر تھی،اس کے باوجود بھی انہیں ایک لاکھ روپےکا بل موصول ہوا جس کےبعد اب بجلی کےاستعمال کو کم کرنے کی کوششیں کر رہی ہےاور گھر کی بجلی کو شمسی توانائی پر منتقل کرنے پرغور کررہی ہیں۔
فضا علی کو بھی67ہزار روپےکا بل موصول ہونے پر حیرانی ہوئی حالانکہ وہ زیادہ وقت اپنے گھر سے دور رہیں اور گھر پر زیادہ ایئرکنڈیشن بھی استعمال نہیں کیا۔
ان کے علاوہ نادیہ خان نےبتایاکہ اُنہیں بھی75 ہزار روپےکا بل موصول ہوا حالانکہ وہ تو اس ماہ کام اور اسلام آباد میں اپنےوالد سےملنے کیوجہ سے وہ اپنےگھر موجود ہی نہیں تھیں۔
یاد رہےکہ بجلی کی بڑھتی ہوئی قیمتوں کیوجہ پچھلی حکومت کی طرف سےشروع کیےگئے انڈیپنڈنٹ پاور پروڈیوسر (آئی پی پی)منصوبوں کو قرار دیا جا رہا ہے۔
معاشی بدانتظامی اور انٹرنیشنل مانیٹری فنڈ(آئی ایم ایف) کےساتھ معاہدے کی وجہ سےصورتحال مزید خراب ہوئی ہے۔
یہ بھی پڑھیں: دبئی سے کراچی پہنچے کنٹینر سے غیر ملکی شراب برآمد
ہوشروبا بجلی کےبل دیکھنے کےبعد کئی شہری خود کشی کرنے پربھی مجبور ہوئےجس کےبعد ملک بھر میں بجلی کےبلوں میں اضافے کےخلاف احتجاجی مظاہرے ہو رہےہیں۔
