Amina

” کملا ہیرس کو شرم آنی چاہیے”

لاہور(ھم دوست نیوز)پاکستان کی معروف اداکارہ و سپر ماڈل آمنہ الیاس کی جانب سے امریکی نائب صدر کملا ہیرس کے اسرائیل کی حمایت میں دیئے گئے بیان پر کڑی تنقید کی گئی ہے۔
آمنہ الیاس کی جانب سے فوٹو، ویڈیو شیئرنگ ایپلیکیشن انسٹا گرام پر کملا ہیرس کی ایک ویڈیو شیئر کی گئی ہے جس میں وہ اسرائیل کی حمایت میں بیان دے رہی ہیں۔
آمنہ الیاس کی جانب سے کملا ہیرس کی ویڈیو شیئر کرتے ہوئے کیپشن میں کہنا ہے کہ ’وہ کملا ہیرس کی یہ ویڈیو سوشل میڈیا پر شیئر کیے بغیر رہ نہیں سکیں، کملا ہیرس کس قسم کی انسان ہیں۔‘

آمنہ الیاس کا مزید کہنا تھا کہ ’ کملا ہیرس کو شرم آنی چاہیے۔‘آمنہ الیاس کی جانب سے شیئر کی گئی اس ویڈیو پر سوشل میڈیا صارفین بھی کملا ہیرس کے اس بیان پر غم و غصے کا اظہار کر رہے ہیں۔
دوسری جانب آمنہ الیاس کی اس ویڈیو پر معروف اداکارہ و میزبان صنم جنگ نے بھی کمنٹ کرتے ہوئے کملا ہیرس کے اس بیان کو ’ ناقابل برداشت ‘ قرار دیا ہے۔

Leave a Reply