نیب لاہور انٹیلی جنس ونگ/کارروائی
جعلی ڈی جی نیب سکھر ڈرامائی انداز میں گرفتار،ترجمان نیب
حکومتی آفیسران کو نیب ڈی جی کے نام سے بلیک میلنگ میں ملوث شاطر ملزم میاں محمد فیاض کو جوہر ٹائون سے گرفتار کیا گیا، ملزم سے44 لاکھ روپےکیش اور آتشی اسلحہ برآمد، ملزم کبھی ڈی جی نیب سکھر، ڈائریکٹر نیب اور کبھی چیئرمین نیب کے سٹاف آفیسر کے طور پر پولیس افسران، ڈی سیز اور ہائوسنگ سوسائٹی مالکان کو فون کرتا تھا.
ملزم میاں فیاض کام نکلوانے کیلئے متعدد مرتبہ سیاسی رہنماؤں کا نام بھی استعمال کرتارہا. نیب حکام نے ملزم کا گرفتاری کے بعد 8 جون تک جسمانی ریمانڈ حاصل کرلیا. چیئرمین نیب جسٹس جاوید اقبال کی واضع ہدایات ہیں کہ نیب کا کوئی آفیسر تفتیشی معاملات میں کسی کو فون کال نہیں کرے گا.
نیب انٹیلی جنس کارروائیوں میں 10 جعلی نیب افسروں کو گرفتار کرچکاہے، نیب کیجانب سے رابطہ کیلئے ہمیشہ مراسلہ (خطوط) ارسال کئے جائینگے. کسی شکایت کیصورت میں ترجمان نیب سے معلومات کیلئے فوری رابطہ کیا جائے.
