” الیکٹرانک ووٹنگ سے ہیرا پھیری نہیں ہوگی”

وفاقی وزیر سائنس و ٹیکنالوجی شبلی فراز نے کہاہےکہ الیکٹرانک ووٹنگ سے ہیرا پھیری نہیں ہوسکے گی اور 70 لاکھ بیرون ملک مقیم پاکستانی الیکٹرانک ووٹ ڈال سکیں گے۔

انہوں نے یہ بھی کہا کہ آزادانہ اور شفاف انتخابات الیکٹرانک ووٹنگ مشین سے ہی ممکن ہیں، الیکشن کمیشن کو الیکٹڑانک ووٹنگ ماننا ہوگی۔

وفاقی وزیر شبلی فراز کا کہنا تھا کہ شفاف اور آزادانہ انتخابات کے لیے سینٹ الیکشن شو آف ہینڈ سے ہونا ضروری تھا،الیکٹرانک ووٹنگ مشین سے شفاف اور آزادانہ انتخابات ممکن ہیں، مستقبل قریب میں الیکٹرانک ووٹنگ مشین بنا کرتمام اسٹیک ہولڈرز کو دکھائیں گے۔

پشاور میں پریس کانفرس کرتے ہوئے شبلی فراز نے مزید کہا کہ الیکٹرانک مشین میں ہیرا پھیری کے امکانات کم ہوتے ہیں ، الیکٹرانک ووٹنگ کے انتظامات کر رہے ہیں، آرڈیننس پاس ہوچکا ہے 70 لاکھ بیرون ملک مقیم پاکستانی الیکٹرانک ووٹ ڈالیں گے۔