کراچی کی سپر ہائی وے پر قائم بحریہ ٹاؤن میں مظاہرین نے دکانوں اور گاڑیاں کو آگ لگا دی۔
پولیس حکام کے مطابق مظاہرین کو منتشر کر دیا گیا ہے تاہم آگ لگنے کی وجہ سے کروڑوں کا سامان جل گیا ہے۔
مظاہرین نے صبح سے ہی دھرنا دے رکھا تھا جبکہ کسی بھی ناخوشگوار واقعے سے نمٹنے کے لیے پولیس صبح سے ہی سوسائٹی میں تعینات تھی۔
مظاہرین گیٹ پر لگے کنٹینرز کو عبور کرتے ہوئے اندر داخل ہوئے اور توڑ پھوڑ شروع کردی۔ اس دوران مظاہرین نے دکانوں، موٹر سائیکلوں، گاڑیوں کو آگ بھی لگا دی جبکہ اے ٹی ایم مشینوں کو توڑ کر رقم بھی نکال لی گئی۔
پولیس کی جانب سے مظاہرین پر شیلنگ کی گئی جس کے بعد مظاہرین منتشر ہوگئے۔ پولیس نے دعویٰ کیا ہے کہ مظاہرین سے کچھ افراد کو حراست میں لے کر متعلقہ تھانے منتقل کیا گیا ہے۔
مظاہرین گزشتہ روز سے بحریہ ٹاؤن کے باہر موجود تھے۔ مظاہرین نے کہا تھا کہ اگر ناکے مطالبات پورے نہ کیے گئے تو سوسائٹی کے اندر داخل ہوجائیں گے۔
دھرنے کے باعث ٹریفک کی روانہ بھی متاثر ہے
