راولپنڈی(ھم دوست نیوز ) پاک فوج کے شعبہ تعلقات عامہ کے ڈائریکٹر جنرل(ڈی جی آئی ایس پی آر) کا کہنا ہے کہ ٹرین حادثے کے بعدجاری امدادی آپریشن مکمل کرلیا گیاہے،ریلوے ٹریک کی بحالی اور مرمت کا کام جاری ہے۔
ھم دوست نیوز کے مطابق ڈی جی آئی ایس پی آر کا کہنا تھا کہ حادثے کا شکار ہونے والی ٹرین کا انجن اور بوگیاں ٹریک سے ہٹادی گئیں ہیں اور ضروری مرمت کے بعد ریلوے ٹریک کھولنے کے لئے سر توڑ کاوشیں جاری ہیں۔ڈی جی آئی ایس پی آر نے کہا کہ حادثے کے بعد 92زخمیوں کو جائے حادثہ سے ہسپتال منتقل کیاگیا ہے جن میں سے بیشتر زخمی شیخ زید ہسپتال رحیم یار خان اور سی ایم ایچ پنوں عاقل منتقل کئے گئے ہیں۔
واضح رہے کہ ملت ایکسپریس اورسرسید ایکسپریس کے آپس میں ٹکرا جانے سے حادثہ پیش آیا جس میں 62 افراد جاں بحق جبکہ 100 سے زائد زخمی ہو ئے۔
