اسلام آباد: سی پیک عام طور پر ایک گیم چینجر کے نام سے جانا جاتا ہے اور لوگوں نے پہلے ہی اس کے ثمرات سے استفادہ حاصل کرنا شروع کر دیا ہے۔سرمایہ کاری بورڈ حکام کے مطابق سی پیک کے تحت 9مکمل شدہ منصوبے اور 13 جاری منصوبوں نے 70 ہزار سے زیادہ براہ راست ملازمتیں پیدا کیں، آئندہ 4 سے 5 سال میں مزید ساڑھے 4 لاکھ براہ راست ملازمتیں پیدا کی جاسکتی ہیں۔ سی پیک کا مستقبل اب خصوصی اقتصادی زون اور گوادر فری ٹریڈ زون کے آغاز پر ہے۔
علاوہ ازیں سی پیک علاقائی ترقی اور خوشحالی میں مزید فعال کردار ادا کرے گی۔سی پیک اتھارٹی حکام کے مطابق چین علاقائی تعاون کے مزید فروغ میں مصنوعات کی تجارت کے حوالے سے گوادر بندرگاہ کی حمایت کرتا ہے۔ آنے والے دنوں میں، ایل پی جی، اسٹیل پائپ، ڈی اے پی کھاد سمیت افغانستان جانے والے بین الاقوامی سامان پر مشتمل مزید جہازوں کا گوادر پورٹ پہنچنا طے ہے۔
گوادر میں ایک ڈائریکٹوریٹ آف ٹرانزٹ ٹریڈ بھی قائم کیا گیا ہے جو اسٹیک ہولڈرز کے ساتھ مل کر کام کررہا ہے تاکہ بندرگاہ کو ایک اہم ٹرانزٹ ٹریڈ حب میں تبدیل کیا جاسکے۔
