کوئٹہ (ہم دوست نیوز) وزیراعظم شہباز شریف کا کہنا ہے کہ تاریخ گواہ ہے بلوچستان کے لوگوں کی ملک کے لیے عظیم قربانیاں ہیں، صوبے کے پانی کے مسائل کو ترجیحی بنیادوں پر حل کیا جائے گا۔
تفصیلات کے مطابق وزیراعظم شہباز شریف کی زیر صدارت کوئٹہ میں بلوچستان سے تعلق رکھنے والے ارکان پارلیمنٹ کا اجلاس ہوا، اجلاس میں وفاقی وزراء، قائمقام گورنر، وزیراعلیٰ بلوچستان، صوبائی وزراء اور ارکان اسمبلی نے شرکت کی۔
دوران اجلاس گفتگو میں وزیراعظم شہباز شریف کا کہنا تھا کہ اپنے وعدے کے مطابق حکومت بننے کے 2 ہفتوں کے دوران ہی حاضر ہوا ہوں، اللہ تعالی نے بلوچستان کو بےحساب قدرتی وسائل سے نوازا ہے، ہمیں ماضی کی غلطیوں سے سیکھنا ہے۔
وزیراعظم نے مزید کہا کہ تاریخ گواہ ہے، بلوچستان کے لوگوں کی ملک کے لیے عظیم قربانیاں ہیں، صوبے کے پانی کے مسائل کو ترجیحی بنیادوں پر حل کیا جائے گا۔ ہم نے این ایف سی میں بلوچستان کے لیے 11 ارب روپے پنجاب کے حصے میں سے دیے ہیں، ہم سب کو مل کر بلوچستان کی ترقی یقینی بنانی ۔
