کوئٹہ (ہم دوست نیوز)بلوچستان کے دارالحکومت میں قائم ایئرپورٹ روڈ پر کسٹم انٹیلی جنس کے دفتر میں دھماکا۔
ریسکیو ذرائع کا کہنا ہے کہ دھماکے میں ایک شخص زخمی ہوگیا، جسے اسپتال منتقل کردیا گیا ہے۔
پولیس کا کہنا ہے کہ دھماکے کے بعد بلڈنگ میں آگ لگ گئی ہے، جبکہ بم ڈسپوزل اسکواڈ کو بھی طلب کرلیا گیا۔
کسٹم آفس کے سیکیورٹی گارڈ کا پولیس کو بیان دیتے ہوئے کہنا تھا کہ تین مسلح افراد دفتر میں داخل ہوئے جنہوں نے عملے کو یرغمال بنایا۔
دفتر میں ڈیوٹی پر مامور سیکیورٹی گارڈ نے بتایا کہ مسلح افراد نے ہاتھ باندھ دیے سنگین نتائج کی دھمکیاں دیں، مسلح افراد کے نکلتے ہی کسٹم کے دفتر میں دھماکا ہوگیا۔
