کوئٹہ(ہم دوست نیوز)کوئٹہ اور گردونواح میں گرج چمک کے ساتھ بارش، جس کے باعث چھت اور دیوار گرنے سے ماں بیٹی سمیت 3 افراد جاں بحق۔
تفصیلات کے مطابق کوئٹہ اور گردونواح میں گرج چمک کے ساتھ بارش ہوئی جس کے باعث چھت اور دیوار گرنے سے ماں بیٹی سمیت تین افراد جاں بحق ہوگئے، دھواں دھار بارش کے باعث نشیبی علاقوں میں پانی جمع ہوگیا اور نالے ابل پڑے جبکہ تیز ہواؤں سے کئی درخت بھی اُکھڑ گئے،قلعہ عبداللّٰہ اور پشین میں سیلابی ریلے مختلف دیہات میں داخل ہونے سے گھروں کی چار دیواریاں اور گھریلو سامان ریلوں میں بہہ گیا۔بارش شروع ہوتے ہی کئی علاقوں میں بجلی کی فراہمی معطل ہوگئی۔
