اسلام آباد (ہم دوست نیوز)پاکستان میں برطانوی ہائی کمشنر کرسچئن ٹرنر کی چیئرمین پاکستان تحریک انصاف عمران خان سے ملاقات ہوئی ہے.
تفصیلات کے مطابق پاکستان میں برطانوی ہائی کمشنر کرسچن ٹرنر نے چیئرمین پاکستان تحریک انصاف عمران خان سے ملاقات کی ہے،اس موقع پر چئیرمن پاکستان تحریک انصاف نے کہا ہے کہ سرمائے کی غیر قانونی ترسیل ترقی پذیر ممالک کا بڑا مسئلہ ہے، دولت کی اس غیر قانونی ترسیل سے عالمی سطح پر معاشی ناہمواریوں کو فروغ ملتا ہے، سرمائے کی یہ غیر قانونی ترسیل غریب ممالک کے باشندوں میں ہجرت کےرجحان کو ابھارتی ہے،غریب ممالک سے امیر ملکوں کی جانب ہجرت خود ترقی یافتہ ممالک کے لیے بڑے چیلنجز پیدا کرتی ہے، عدل و انصاف کا تقاضا ہے کہ عالمی سطح پر منی لانڈرنگ کے مؤثر انسداد کے لیے حکومتیں اقدامات کریں, برطانوی حکومت اس معاملے میں کلیدی کردار ادا کرنے کی صلاحیت رکھتی ہے۔
