ملتان (ہم دوست نیوز)بارش برسانے والا مون سون سسٹم پنجاب اور سندھ پر اثر انداز ہو گیا، پنجاب اور سندھ کے بیشتر شہروں میں رات گئے سے موسلادھار بارش کا سلسلہ وقفے وقفے سے جاری ہے۔
تفصیلات کے مطابق ملتان شہر اور گردونواح میں موسلادھار بارش ہوئی, کوہ سلیمان کے پہاڑی علاقوں میں بارش سے راجن پور کے برساتی ندی نالوں میں طغیانی آگئی،میڈیا رپورٹس کے مطابق حفاظتی بند ٹوٹنے سے سیلابی پانی گھروں میں داخل ہوگیا جبکہ فصلوں کو بھی نقصان پہنچا،ادھر چترال میں طوفانی بارش سے فصلیں تباہ ہوگئیں،جبکہ وادی کوئٹہ اور گردونوح میں بھی بادل برسے۔ بولان، نصیر آباد سمیت بلوچستان کے متعدد علاقوں میں بھی موسلا دھار بارش ہوئی،محکمہ موسمیات نے آج سے منگل تک بلوچستان کے پندرہ اضلاع میں شدید بارشوں کی پیشگوئی کی ہے،توبہ اچکزئی کے ڈیم کے حفاظتی بند میں دراڑ پڑگئی ہے،پی ڈی ایم اے کے مطابق بلوچستان میں بارشوں کے باعث جاں بحق افراد کی تعداد 100 ہوگئی جبکہ چھ ہزارسے زائد مکانات اور املاک کونقصان پہنچا ہے
2 تبصرے “ملک کے مختلف شہروں میں موسلادھار بارش”