اسلام آباد (ہم دوست نیوز) سئنیر رہنما پاکستان مسلم لیگ ن اور سابق وزیراعظم شاہد خاقان عباسی نےکہا ہےکہ میرا نہیں خیال کہ آرمی چیف کی مدت میں توسیع پرغور ہورہا ہےاور نہ ہی موجودہ آرمی چیف توسیع کےخواہاں ہیں۔
تفصیلات کےمطابق سئنیر رہنما پاکستان مسلم لیگ ن اور سابق وزیراعظم شاہد خاقان عباسی نے نجی ٹی وی کے پروگرام میں گفتگو کرتےہوئے کہاکہ موجودہ حکومت اپنے وقت پر آرمی چیف تعینات کرے گی،آرمی چیف کی تقرری وزیراعظم کرتے ہیں اور وزیراعظم ہی کریں گے۔اگر ملکی سیاست کامحور آرمی چیف کا تقرر ہےتو پھر جمہوریت کو بند ہی کردیں۔اگر ہم مشکل معاشی فیصلے کرسکتے ہیں تو پھر آرمی چیف کےتقرر کا حق بھی اسی وزیراعظم کو ہونا چاہیے۔
یہ بھی پڑھیں: بیرون ملک سفر کرنیوالوں کیلئے بُری خبر
سابق وزیراعظم شاہد خاقان عباسی کا مزید کہنا تھاکہ عمران خان اسمبلی میں آکر عدم اعتماد کریں۔اگر سڑک سےراستہ پیدا کرنا چاہتے ہیں تو اس کی گنجائش نہیں ہے۔
