سندھ کے سیلاب متاثرین میں متعدد بیماریاں پھیلنے لگیں

دادو(ہم دوست نیوز)سیلاب سے متاثرہ علاقوں میں ملیریا، گیسٹرو اور دیگر بیماریاں کا تیزی سے پھیلاؤ جاری،گزشتہ 24 گھٹنوں کے دوران5 ہزار سے زائد مریض رپورٹ ہوئے۔

تفصیلات کےمطابق سیلاب سے متاثرہ علاقوں میں ملیریا، گیسٹرو اور دیگر بیماریاں کا تیزی سے پھیلاؤ جاری ہے،دادو کے سرکاری اور نجی اسپتالوں میں ایک دن میں5 ہزار سے زائد مریض رپورٹ ہوئے ہیں۔ذرائع محکمۂ صحت کےمطابق ضلع دادو کے اسپتال،میڈیکل اسٹوروں میں ادویات کی کمی کا سامنا ہے۔محکمہ صحت کاکہنا ہےکہ ملیریا اور گیسٹرو کے باعث اموات کی تعداد10 تک پہنچ گئی ہے۔
یہ بھی پڑھیں: کراچی، ڈینگی کے مریضوں کی تعداد میں خطرناک حد تک اضافہ
ذرائع محکمہ انہار نےبتایا ہےکہ سیلاب متاثرہ علاقوں میں پانی کی سطح میں مسلسل کمی آرہی ہےجبکہ منچھر جھیل کی سطح21.06 فٹ ہوگئی ہے۔منچھر جھیل سےپانی کا اخراج دریائے سندھ میں جاری ہے۔