اسلام آباد (ہم دوست نیوز)پاکستان مسلم لیگ کے سئنیر رہنما اور سابق وزیراعظم شاہد خاقان عباسی نےکہا ہےکہ آرمی چیف کا مدت ملازمت کے بعد ریٹائر ہونےکا بیان خوش آئند ہے،اس ایشو پر کلیئرٹی آگئی ہے۔ایک سوال پر انہوں نے کہاکہ اسلام آباد میں تصادم کی صورت میں ہلاکتوں کی ذمہ داری عمران خان پر ہوگی۔
نجی ٹی وی کے پروگرام میں گفتگو کرتےہوئے پاکستان مسلم لیگ کےسئنیر رہنما اور سابق وزیراعظم شاہد خاقان عباسی نے کہاکہ آرمی چیف نےکہہ دیا ہےکہ ایکسٹینشن نہیں ہوگی یہ خوش آئند بات ہے،وزیراعظم کا حق ہےکہ کسی بھی وقت نئے آرمی چیف کی تعیناتی کردیں۔
سابق وزیر اعظم نےکہا کہ آرمی چیف کی تعیناتی وزیراعظم کا آئینی حق ہے،فاشسٹ لیڈروں کی حلف برداری دیکھیں تو بالکل وہی حالات عمران خان کےہیں۔
رہنما مسلم لیگ ن نےکہاکہ اگر عمران خان نے قانون توڑا تو جواب دہی ہوگی،اگر خدانخواستہ لاشیں گر گئیں تو ذمےداری عمران خان کی ہوگی،آج سیاسی چڑھائی کا وقت نہیں،آج ملک کےمعاملات حل کرنےکا وقت ہے۔
یہ بھی پڑھیں: مریم آپ کے والد نے غلط بیانی کی اب آپ بھی کر رہی ہیں، ڈاکٹر یاسمین راشد
شاہد خاقان عباسی نے کہاکہ اگر نواز شریف کی نااہلی غلط تھی تو میں نہیں چاہتا عمران خان کےساتھ بھی غلط ہو،اس پر دھیان کم دیں کہ کتنےممبران ہیں،پرفارمنس دیکھیں۔
