ننکانہ (ہم دوست نیوز)پاکستان تحریکِ انصاف کے رہنما حماد اظہر نےکہا ہےکہ الیکشن کمیشن نےجو زور لگانا ہے لگالے،جیت عمران خان کی ہو گی۔
ننکانہ صاحب میں میڈیا سے گفتگو کرتے ہوئے پاکستان تحریک انصاف (پی ٹی آئی)حماد اظہر نےکہاکہ آج کےالیکشن کے نتائج سےسیاست کی سمت کا تعین ہوگا،جن لوگوں کو ہم پر مسلط کیاگیا ہےیہ حقیقی قیادت نہیں۔
انہوں نےکہاکہ ہمارے وزیرِ خارجہ بلاول بھٹو زرداری امریکی صدر جو بائیڈن کےبیان کی وضاحت دے رہے تھے،ملک کو اس وقت مضبوط قیادت کی ضرورت ہے۔
حماد اظہر کا مزید کہنا ہےکہ ننکانہ کےدیہی علاقوں میں ووٹر ٹرن آؤٹ بہتر نظر آرہا ہے،گنتی کا عمل سب سے اہم ہوتا ہے،17جولائی کو بھی مسلط لوگوں کو عوام نےمسترد کیاتھا۔
یہ بھی پڑھیں: پی ٹی آئی چیئرمین لانگ مارچ کی تاریخ کب دیں گے؟ شیخ رشید نے بتا دیا
ان کا یہ بھی کہنا ہےکہ بلاول بھٹو کو جو بائیڈن کے بیان پر ڈنکے کی چوٹ پر جواب دینا چاہیے تھا،آج کا الیکشن ریفرنڈم ہے،اس وقت شکایات الیکشن کمیشن کی ہیں۔
