اسلام آباد (ہم دوست نیوز)پاکستان تحریک انصاف کے رہنما سلمان احمد کا کہنا ہےکہ لانگ مارچ روکنے کےلیے پولیس اور رینجرز ہے،الیکشن کرانے کےلیے نہیں ہے۔
نجی ٹی وی کے پروگرام میں گفتگو کرتے ہوئے پی ٹی آئی رہنما سلمان احمد نے کہاکہ عمران خان کی حکومت کو سازش کےتحت ہٹایا گیا اور ایسی حکومت کو اقتدار میں لایا گیا،جس کے60 فیصد لوگ ضمانت پر ہیں لوگ عمران خان کےبیانیہ پر یقین رکھتےہیں،ہم نےکلین سوئپ کیا۔
پی ٹی آئی رہنما نے مزید کہاکہ عمران خان نے26 سال آئین کےدائرے میں پرامن احتجاج کے علاوہ کچھ نہیں کیا۔یہ میچ فکس کرنے کی کوشش کرتے ہیں،عوام اتنی زیادہ آتی ہےکہ میچ فکس نہیں کرسکتے۔
سلمان احمد نےیہ بھی کہاکہ پیپلز پارٹی اور ن لیگ کی حکومتوں نے5سال پورے کیے،عمران خان کی حکومت میں فضل الرحمان جتھے لےکر آئے۔
انہوں نےکہاکہ یہ ڈیڑھ سال امپورٹڈ حکومت لا کر کیا حاصل کرنا چاہتے تھے؟سیاسی استحکام اسی وقت آئےگا جب انتخابات ہوں گے
