فیصل آباد (ہم دوست نیوز) پاکستان تحریک انصاف(پی ٹی آئی)کے رہنما اسد عمر نےکہا ہےکہ جو ٹارگٹ لگائےتھے پورے پاکستان میں ان کی تیاری مکمل ہوچکی ہے۔
فیصل آباد میں میڈیا سے گفتگو کرتے ہوئے پاکستان تحریک انصاف کے سینئر رہنما اسد عمر کاکہنا تھاکہ آرمی چیف کی تعیناتی پر اگر عمران خان کا تعلق نہیں ہےتو باہر بیٹھےفرار ملزم کا کیا تعلق ہے۔اسمبلی کی باتیں کسی کو بتانا بھی غلط ہے۔
انہوں نےکہاکہ رانا ثناءاللّٰہ نےزبردست بڑھکیں لگائیں مگر ایک ناکام وزیر داخلہ ثابت ہوئےہیں۔ اگر حکومت جمہوریت پر یقین رکھتی ہےتو الیکشن کرا کیوں نہیں دیتی۔
اسد عمر کا مزید کہنا تھاکہ انہیں پتا ہےاگر الیکشن کرائے گئےتو ساری پی ڈی ایم ختم ہوجائےگی۔ حکومت بہت زیادہ خوفزدہ ہے،کسی اور سےنہیں اپنی قوم سےخوفزدہ ہے۔
یہ بھی پڑھیں: عمران خان نے اعتراف کر لیا کہ وہ ملک میں مارشل لاء لگوانا چاہتے، مریم اورنگزیب
پی ٹی آئی رہنما کا یہ بھی کہنا تھاکہ شہباز شریف عوام میں کھڑے ہو کر دکھائیں۔یہ ایک منٹ بھی عوام کےساتھ کھڑےنہیں ہوسکتے۔شہباز شریف اب سوچیں حکومت ختم ہونےپر کہاں جائیں گے۔نواز شریف کےپلیٹ لیٹس گرتےجا رہے ہیں۔
