گوجرانوالہ(ہم دوست نیوز) پاکستان تحریک انصاف (پی ٹی آئی) کےرہنما فواد چوہدری کا کہنا ہےکہ ہم کس دن اسلام آباد پہنچیں گے،تاریخ دیں گےاور تاریخ بدلیں گے،ہم آپ کوتھکاتھکا کر ماریں گے۔
گوجرانوالہ میں میڈیا سے گفتگو کرتے ہوئے پاکستان تحریک انصاف کے رہنما فواد چوہدری نے کہاکہ پاکستان میں ہونےوالے مظاہروں سےزیادہ بڑےمظاہرے لندن میں ہو رہےہیں۔
انہوں نے کہاکہ یہ تحریک احتساب کی تحریک ہے،ملک کا نظام درست کرنےکی تحریک ہے۔
فواد چوہدری نےکہاکہ عمران خان کے خلاف بینرز لگوانے پرخرم دستگیر کو گرفتار کیا جائے،اسپیکر قومی اسمبلی ہماری تمام نشستوں پراستعفے قبول کریں اورالیکشن کروائیں۔
پی ٹی آئی رہنما نےمزید کہاکہ اگلی120نشستوں پر بھی امیدوار عمران خان ہوں گے،مریم نواز پر اب پابندی نہیں وہ الیکشن لڑ لیں ان کو اپنی مقبولیت کا پتا چل جائےگا۔
سابق وفاقی وزیر نے یہ بھی کہاکہ پولیس اہل کار ہی ہماری حقیقی آزادی کا ہراول دستہ ہے۔
