لاہور ( ہم دوست نیوز) پنجاب بھر میں ڈینگی بے قابو ہو گیا، گزشتہ24گھنٹوں کےدوران ڈینگی وائرس سےمزید 4 افراد کا انتقال کر گئے۔
ڈینگی سےانتقال کرنےوالے2 افراد کا تعلق لاہور سے،1کا ملتان اور 1کا راولپنڈی سےہے۔
سیکریٹری صحت پنجاب کےمطابق ان4 ہلاکتوں کےبعد پنجاب میں رواں سال ڈینگی سے30 اموات رپورٹ ہوچکی ہیں۔
گزشتہ چوبیس گھنٹوں کےدوران پنجاب میں ڈینگی کے207مریض رپورٹ ہوئے،لاہور سےڈینگی کے 97،راولپنڈی سے29، گوجرانولہ سے27، ملتان سے20، شیخو پورہ سے8، سرگودھا سے5، سیالکوٹ اور جھنگ سے3،3 اوکاڑہ، وہاڑی، ننکانہ،ٹوبہ ٹیک سنگھ سے2، 2میانوالی،بہاولنگر، اٹک،خانیوال، نارووال،مظفر گڑھ،خوشاب اور لیہ سے1،1کیس رپورٹ ہوا ہے۔
یہ بھی پڑھیں: ڈینگی پھر سر اٹھانے لگا
سیکریٹری صحت پنجاب کا مزید کہناہےکہ رواں سال پنجاب میں ڈینگی کے16ہزار198 مریض رپورٹ ہوئےہیں،جبکہ لاہور سےرواں سال ڈینگی کے6 ہزار916 کیسز سامنےآ چکے ہیں۔
