کراچی( ہم دوست نیوز) پاکستان ڈیموکریٹک موومنٹ(پی ڈی ایم)کےسربراہ مولانا فضل الرحمان کراچی میں پاکستان پیپلز پارٹی کے سینئر رہنما خورشید شاہ کی رہائش گاہ پہنچے جہاں دونوں رہنماؤں نےملکی سیاسی صورتحال پر مشاورت کی۔
ملاقات میں عمران خان کی پنجاب اور کے پی کے کی حکومتیں توڑنے کی دھمکی پربھی تبادلہ خیال کیاگیا۔
اس موقع پر پی ڈی ایم کےسربراہ مولانا فضل الرحمان نےکہاکہ عمران خان کی دھمکی چائے کی پیالی میں طوفان کےمترادف ہے،اگر کسی نے صوبائی اسمبلیاں توڑیں تو انتخابات کرانےچاہئیں۔
انہوں نےمزید کہاکہ عمران خان کو انتخابات سے سمجھ آجائے گی کہ عوام اس سےکتنی نفرت کرتے ہیں۔
خورشید شاہ نےکہاکہ موجودہ سیاسی قیادت نے عمران خان کو ساتھ لےکر چلنے کی کوشش کی،عمران خان سیاست کرنا ہی نہیں چاہتے۔عمران خان کا افراتفری پھیلانےکا مقصد سیاست نہیں،ایجنڈا کچھ اور ہے۔
انہوں نےمزید کہاکہ وفاقی حکومت نہ پہلے بلیک میل ہوئی نہ آئندہ ہوگی،وفاقی حکومت کا اب اولین ہدف عوام کو فوری ریلیف دینا ہے۔
