( ہم دوست نیوز) پاکستان کرکٹ بورڈ مینجمنٹ کمیٹی کے چیئرمین نجم سیٹھی ، مکی آرتھر کو ہیڈکوچ بنانے کے فیصلہ پر ڈٹ گئے ہیں ۔
ذرائع کے مطابق ون ڈے ورلڈ کپ میں مکی آرتھر ہی پاکستانی کرکٹ ٹیم کے ہیڈ کوچ ہوں گے، اس حوالے سے اہم اعلان دو سے تین روز میں متوقع ہے۔
ذرائع کا کہنا ہے کہ نجم سیٹھی مکی آرتھر کے انکار کرمے کے باوجود بھی معاملات حل کرنے کے لیئے کوشاں رہے اور اب نجم سیٹھی اور مکی آرتھر میں معاملات تقریباً طے پاگئے ہیں۔
نیوزی لینڈ کے خلاف ہوم سیریز میں مکی آرتھر دستیاب نہیں ہوں گے بلکہ ان کے معاونین ہوں گے۔
مکی آرتھر 2016 ء سے لے کر 2019ء تک قومی ٹیم کے کوچ رہے ہیں اور ان کی کوچنگ میں پاکستانی کرکٹ ٹیم نے چیمپیئنز ٹرافی جیتی ہے ۔
