لاہور: (ہم دوست نیوز) سابق فاسٹ باؤلر شعیب اختر نے پاکستانی کرکٹ ٹیم کی قیادت کے لیے شاداب خان کو انتہائی موزوں قرار دے دیا ہے ۔
ایک نجی ٹی وی چینل پر گفتگو کرتے ہوئے سابق فاسٹ باولر شعیب اختر نے کہا ہے کہ سپنر جارحانہ انداز کے علاوہ عمدگی کے ساتھ میڈیا کا سامنا کرنے کی صلاحیت رکھتے ہیں، شاداب نے بطور کھلاڑی بھی خود کو بہترین بنا لیا ہے، اسلام آباد یونائیٹڈ کے کپتان میں کرکٹ ٹیم کے حوالے سے قائدانہ صلاحیتیں موجود ہیں اور وہ مستقبل میں پاکستان وائٹ بال کرکٹ کی قیادت بہترین انداز میں سنبھال سکتے ہیں۔
شعیب اختر نے مزید کہا کہ شاداب نے نہ صرف بطور کرکٹر بلکہ آن سکرین اپنا امیج بہت بہتر بنا لیا ہے، شاداب میں بہتری کی لگن موجود ہے جو بہت اچھی چیز ہے۔
