چنئی: ( ہم دوست نیوز )بھارت کے بلے باز سوریا کمار یادیو نے آسٹریلیا کے خلاف مسلسل 3 مرتبہ صفر پر آؤٹ ہونے کا منفی اعزاز اپنے نام کرلیا ہے ۔
سوریا کمار یادیو لیجنڈری بلےباز سچن ٹنڈولکر، ایشانت شرما،ظہیر خان، جسپریت بمراہ اور انیل کمبلے کے بعد ون ڈے کرکٹ میچ میں لگاتار 3 صفر سکور کرنے والے چھٹے ہندوستانی بلے باز بن چکے ہیں ، ون ڈے کرکٹ میں مسلسل سب سے زیادہ صفر پر آؤٹ ہونے کا عالمی ریکارڈ 4 ہے۔
چنئی میں کھیلے جانے والی سیریز کے آخری ون ڈے میچ میں آسٹریلیا نے پہلے بیٹنگ کی اور 49 اووز میں 269 رنز بنا ڈالے ، جواب میں بھارتی اننگز 248 رنز تک ہی محدود رہی۔
ویرات کوہلی کی نصف سنچری بھی رائیگاں چلی گئی جب کہ ایڈم زمپا کی چار وکٹوں کی بدولت کینگروز نے بھارتی کرکٹرز کو ہوم گراؤنڈ پر انتہائی عبرتناک شکست سے دوچار کر دیا۔
پاکستان آکر اندازہ ہوتا ہےکہ یہاں کرکٹ کی کیا قدر ہے، سیم بلنگز
