لاہور: ( ہم دوست نیوز ) پنجاب سمیت ملک بھر کے مختلف شہروں میں گرج اور چمک کے ساتھ موسلادھار بارش ہوئی ہے ۔
رپورٹس کے مطابق لاہور اور خوشاب میں برسات کے بعد موسم انتہائی خوشگوار ہوگیا ہے جب کہ راجن پور اور بھکر میں شدید بارش کی وجہ سے نشیبی علاقے زیرآب آ چکے ہیں۔
کمالیہ، گوجرہ، ٹوبہ ٹیک سنگھ، جھنگ اور جہانیاں میں بھی موسلادھار بارش کے باعث موسم تبدیل ہو گیا ہے ۔
اوچ شریف ، وہاڑی ، راجن پور اور ظاہرپیر میں گرج و چمک کے ساتھ بارش ہوئی جس سے موسم تو خوشگوار ہو گیا لیکن نشیبی علاقے زیر آب آگئے ہیں اور مختلف علاقوں میں بجلی کی فراہمی معطل ہو گئی۔
احمد پورشرقیہ اور اس کے گردونواح میں بھی بارش ہوئی ، جس سے بجلی کا نظام درہم برھم ہوا اور بارش کے باعث گندم کی فصل کو بھی کافی نقصان پہنچا۔
