( ہم دوست نیوز)موسمیاتی تجزیہ کاروں نے پاکستان میں مئی کے مہینے میں معمول سے زیادہ بارشیں برسنے کا امکان ظاہر کیا ہے۔
موسمیاتی تجزیہ کاروں کے مطابق انٹرنیشنل فورکاسٹنک ماڈلز مضبوط مغربی ہواؤں کے سلسلے کی نشاندہی کر رہے ہیں۔
موسمیاتی تجزیہ کاروں کا کہنا ہے کہ 28 اپریل سے 5 مئی تک بارش برسانے والا سسٹم ملک بھر پر اثر انداز ہو سکتا ہے جو 2023 ء کا اب تک کا سب سے زیادہ مضبوط اور طاقتور بارشوں کا سسٹم ہو سکتا ہے۔
موسمیاتی تجزیہ کاروں کے مطابق انٹرنیشنل فورکاسٹنک ماڈلز کراچی سے کشمیر تک مسلسل بارشیں ہونے کی پیشگوئی کر رہے ہیں، ملک کے مختلف مقامات پر اس سسٹم سے ژالہ باری ، تیز بارشیں، اور آندھی کا امکان ہے۔
