کراچی : ( ہم دوست نیوز) کراچی کے مختلف علاقوں میں وقفے وقفے سے بوندا باندی اورہلکی بارش کا سلسلہ جاری ہے۔
محکمہ موسمیات کے مطابق آئی آئی چندریگرروڈ، صدر، لیاری سمیت ملحقہ علاقوں میں ہلکی بوندا باندی ہوئی ہے۔
محکمہ موسمیات کا یہ کہنا ہے کہ کراچی میں آئندہ چوبیس گھنٹوں کے دوران مطلع جزوی طور پر ابر آلود، موسم گرم و مرطوب رہنے کا بھی امکان ہے، شہر میں زیادہ سے زیادہ درجہ حرارت اس وقت 34 سے 36 ڈگری سینٹی گریڈ تک ہے۔
محکمہ موسمیات کا مزید کہنا ہے کہ کراچی میں جنوب مغرب کی طرف سے چلنے والی ہواؤں کی رفتار 7 کلو میٹر فی گھنٹہ ہے، ان ہواؤں میں نمی کا تناسب 60 فی صد تک ہے ۔
