کراچی:(ہم دوست نیوز) کراچی کے مختلف علاقوں میں ہلکی بارش اور بوندا باندی شروع ہو گئی ہے۔صدر، لیاری،اولڈ سٹی ایریا اور شارع فیصل میں بوندا باندی ہو رہی ہے۔
ان کے علاؤہ ملیر، قائد آباد، لانڈھی کورنگی اور ملحقہ علاقوں میں ہلکی بارش ہو رہی ہے۔
محکمہ موسمیات کے مطابق 24 سے 26 جولائی کے دوران کراچی میں تیز بارش کا امکان ہے، شہر میں 100 ملی میٹر یا اس سے زیادہ بارش ہونے کا امکان ہے۔
مخلوق خدا کی خدمت کا مشن جاری رکھیں گے، حمزہ
محکمہ موسمیات کا کہنا ہے کہ مون سون سسٹم کی شدت زیادہ ہے، کراچی میں تیز ہوائیں چلنے اور گرج چمک کا بھی امکان ہے۔
آئندہ 24 گھنٹوں کے دوران کراچی میں مطلع ابر آلود رہنے کا امکان ہے ،جبکہ شام یا رات میں گرج چمک کے ساتھ بارش بھی متوقع ہے۔
محکمہ موسمیات کا کہنا ہے کہ شہر میں کم سے کم درجہ حرارت 28 ڈگری سینٹی گریڈ تک جبکہ زیادہ سے زیادہ درجہ حرارت 31 سے 33 ڈگری سینٹی گریڈ تک کے درمیان بڑھنے کا امکان ہے۔ مغرب کی طرف سے چلنے والی ہواؤں کی رفتار 18 کلومیٹر فی گھنٹہ ہے۔
محکمہ موسمیات کا مزید کہنا ہے کہ آج رات سے مون سون ہواؤں کا سلسلہ سندھ پر اثر انداز ہو سکتا ہے۔ 23 سے 26 جولائی کے دوران سندھ میں موسلا دھار بارشیں برسنے کا امکان ہے۔
