سرکاری چینی کی بلیک میں فروخت کا انکشاف

راولپنڈی (ہم دوست نیوز)تھانہ گنج منڈی کی حدود میں اسپیشل پرائس کنٹرول مجسٹریٹ راولپنڈی کی بڑی کاروائی۔سرکاری چینی بلیک میں فروخت کرنے والے ملزمان کے خلاف مقدمہ درج،چینی برآمد۔

تفصیلات کے مطابق تھانہ گنج منڈی کی حدود میں سرکاری چینی کی بلیک میں فروخت سامنے آگئی۔ جس پر اسپیشل پرائس کنٹرول مجسٹریٹ راولپنڈی نے کاروائی کرتے ہوئے فروخت کی گئی 30 میٹرک ٹن چینی برآمد کرلی۔ پولیس نے اسپیشل پرائس کنٹرول مجسٹریٹ کی درخواست پر ملزمان کے خلاف مقدمہ درج کرلیا ہے۔ ایف آئی آر کے متن کے مطابق سرکاری چینی کی بلیک میں فروخت مقدمے میں طارق شہزاد اور طیب کو نامزد کیا گیا ہے۔ مقدمے میں مزید کہا کہ ملزم طارق نے سرکاری چینی 90 روپے کلو کے حساب سے ملزم طیب کو بیچی۔ ایف آئی آر کے متن کے مطابق ملزم نے فراہم کردہ چینی میں خرد برد کی اور ناجائز منافع کمایا۔

Leave a Reply