کراچی: ( ہم دوست نیوز) کراچی میں پولیس نے ابراہیم حیدری ، کورنگی اور شاہ لطیف میں مقابلے کے دوران 6 ملزمان کو اسلحہ سمیت گرفتار کرلیا ہے ۔
پولیس کے مطابق کورنگی کوسٹ گارڈ چورنگی کے قریب ڈاکوؤں اور پولیس میں مقابلے کے بعد ایک ڈاکو کو زخمی حالت میں گرفتار کر لیا گیا، ملزم کے قبضہ سے موٹر سائیکل اور پستول ملی ہے۔
اس کے علاوہ ابراہیم حیدری میں مقابلے کے بعد پولیس نے دو ڈاکوؤں کو زخمی حالت میں گرفتار کر لیا ہے ، ملزمان عقیل اور پرویز کے قبضے سے دو پستول، موٹر سائیکل اور لوڈ میگزین بھی ملی ہے ۔
ادھر گرین سٹی اور شاہ لطیف کے قریب پولیس مقابلے کے بعد زخمی ملزم سمیت دو ملزمان کو اسلحہ سمیت گرفتار کر لیا گیا ہے ۔
پولیس ذرائع کا کہنا ہے کہ ملزمان شہریوں سے لوٹ مار کرکے بھاگ رہے تھے کہ پولیس موقع پہنچ گئی، ملزمان اورنگی، ملیر اور کورنگی میں وارداتوں میں ملوث ہیں۔
