( ہم دوست نیوز) سندھ کے ضلع گھوٹکی میں کچے کے علاقہ میں اغواء برائے تاوان میں ملوث ڈاکوؤں کے خلاف بڑا آپریشن کیا گیا ، جس کے دوران پولیس نے 16 ڈاکوؤں کو ہلاک کرنے کا دعویٰ کر دیا ہے۔
ڈسٹرکٹ پولیس آفیسر اختر فاروق نے کہا ہے کہ گھوٹکی کے کچے کے علاقے میں کارروائی کے دوران 16 مغویوں کو بھی بازیاب کرا لیا گیا ہے۔
ڈی پی او اختر فاروق کا کہنا ہے کہ سندھ اور پنجاب کی چیک پوسٹ پر 66 افراد کو اغواء ہونے سے بچایا گیا ہے۔
ضلع گھوٹکی میں ڈاکوؤں کے چنگل سے بازیاب ہونے والے 1 شخص نے اپنے اغواء اور رہائی کی داستان بھی سنائی تھی۔
متاثرہ شخص کا کہنا تھا کہ ڈاکوؤں نے اس کو 4 دن تک دریائی کچے میں رکھا اور پھر سترہ دن تک ادھر ادھر منتقل کرتے رہے۔
مذکورہ مغوی نے یہ بھی کہا کہ ڈاکوؤں نے رہائی کے لیے پہلے ایک کروڑ روپے کے تاوان کا مطالبہ کیا تھا، تاہم بعد میں 40 لاکھ روپے میں رہائی کے لیے آمادہ ہو گئے تھے ۔
اورنگی ٹاؤن : قتل و اسٹریٹ کرائم کا مبینہ ملزم گرفتار کر لیا گیا
