( ہم دوست نیوز) پاکستان تحریک انصاف کے سینئر رہنما فواد چوہدری کی گرفتاری کے بعد سابق وزیراعلیٰ پنجاب چوہدری پرویز الٰہی کی آڈیو لیک ہوگئی ہے جو سوشل میڈیا پر تیزی سے وائرل ہو چکی ہے۔
آڈیو لیک میں سنا جاسکتا ہے کہ چوہدری پرویز الٰہی نے کہا ہے کہ فواد چوہدری کو بہت دیر سے گرفتار کیا گیا ہے ۔
سابق وزیر اعلی پرویز الٰہی نے کہا ہے کہ فواد چوہدری کو اگر ایک مہینہ پہلے گرفتار کر لیا جاتا تو اسمبلیاں نہ ٹوٹتیں۔
آڈیو میں چوہدری پرویز الٰہی نے فواد چوہدری کے لیے نازیبا الفاظ کا بھی استعمال کیا ہے ۔
ن لیگ کے سینئر رہنما خواجہ آصف نے مبینہ لیک آڈیو میں پی ٹی آئی راہنما فواد چوہدری کے لیے استعمال کیے جانے والے نازیبا الفاظ کو انتہائی افسوس ناک قرار دیتے ہوئے کہا ہے کہ خیر یہ 2 چوہدریوں کا آپس کا معاملہ ہے۔
اس کے علاوہ ق لیگ کے ارکان سے خطاب کرتے ہوئے سابق وزیر اعلی چوہدری پرویز الہٰی نے کہا ہے کہ میں نے ان کو بہت سمجھایا تھا کہ ابھی کام کرنے دو مگر خان صاحب کے قریبی لوگوں نے پارٹی کی جڑیں کاٹ دی ہیں۔
