راولپنڈی: ( ہم دوست نیوز ) انٹر سروسز پبلک ریلیشنز کے مطابق سکیورٹی فورسز نے خفیہ اطلاع ملنے پر جنوبی آواران میں آپریشن کیا ، جس کے دوران تین دہشت گرد ہلاک ہو گئے ہیں ۔
آئی ایس پی آر کے مطابق سیکیورٹی فورسز نے خفیہ اطلاع پر آپریشن جنوبی آواران میں کیا، بہادر جوانوں سے فائرنگ کے تبادلہ کے دوران 3 دہشت گرد جہنم واصل ہو گئے ہیں ۔
پاک فوج کے شعبہ تعلقات عامہ کے مطابق ہلاک ہونے والے تمام دہشت گرد تربت آواران روڈ پر بارودی سرنگیں بچھانے میں ملوث پائے گئے تھے، ہلاک دہشت گردوں سے بارود اور بھاری مقدار میں اسلحہ بھی برآمد ہوا ہے ۔
اس موقع پر پاک فوج نے صوبہ بلوچستان میں امن کو سبوتاژ کرنے کی ہر سازش کو ناکام بنا دینے کے عزم کا بھی اظہار کیا ۔
