کراچی: ( ہم دوست نیوز ) محکمہ موسمیات نے رمضان المبارک کے چاند کے حوالے سے پیش گوئی کر دی ہے۔
محکمہ موسمیات کلائمٹ ڈیٹا پروسیسنگ سینٹر کا رمضان کے چاند کے حوالے سے کہنا ہے کہ ماہ مقدس کا چاند 22 مارچ کو نظر آنے کا قوی ترین امکان ہے۔
محکمہ موسمیات کا کہنا ہے کہ رمضان المبارک کے چاند کی پیدائش 21 مارچ کی رات 10 بج کر 23 منٹ پر ہو جائے گی، لہذا 22 مارچ کو مغرب کے وقت چاند کی عمر بیس گھنٹے سے زیادہ ہو جائے گی، غروب آفتاب 6 بج کر 41 منٹ پر ہو جائے گا جب کہ غروب قمر 7 بج کر 32 منٹ پر ہو گا۔
محکمہ موسمیات کا مزید کہنا ہے کہ کراچی میں چاند دیکھنے کے دوران کہیں مطلع ابر آلود اور کہیں صاف رہنے کا امکان ہے۔
