لاہور: ( ہم دوست نیوز) ملک کے مختلف بینکوں میں حج کی درخواستوں کی وصولی کا سلسلہ تیزی سے جاری ہے، حج درخواستوں کی قرعہ اندازی 5 اپریل کو کی جائے گی۔
سرکاری سکیم کے تحت حج کی درخواستیں وصول کرنے والے 14 بینکوں میں یونائیٹڈ بینک ، نیشنل بینک،حبیب بینک، ایم سی بی بینک، بینک آف پنجاب ،الائیڈ بینک، زرعی ترقیاتی بینک ، بینک الفلاح ، حبیب میٹرو پولیٹن بینک ، میزان بینک ، بینک الحبیب ، سونیری بینک، فیصل بینک، اور عسکری بینک شامل ہیں۔
رمضان الکریم میں بینک روزانہ صبح 9 بجے سے لے کر دوپہر 2 بجے تک پبلک ڈیلنگ کر سکیں گے جب کہ جمعہ کے دن بینکوں کے اوقات کار صبح ساڑھے 8 بجے سے دوپہر 1 بجے تک ہوں گے۔
سرکاری سکیم کے تحت حج کی درخواستیں جمع کروانے کی آخری تاریخ 31 مارچ مقرر کی گئی ہے، حج درخواستیں وصول کرنے کے لئے 14 بینک ہفتہ اور اتوار کو بھی کھلے رہیں گے ۔
