لاہور(07مارچ2021) : گور نر پنجاب چوہدری محمدسرور نے مڈٹر م انتخابات کے اپوزیشن کے مطالبے کو غیرآئینی قراردیتے ہوئے کہا کہ اپوزیشن غیرآئینی اور غیر جمہوری مطالبات کر نے کے بجائے الیکشن2023کا انتظار کر ے کیونکہ قومی اسمبلی وزیر اعظم عمران خان پر بھرپور اعتماد کا اظہارکر چکی ہے اورعوام بھی تحر یک انصاف کی حکومت کیساتھ کھڑے ہیں۔ اپوزیشن جماعتوں کے پاس اب عام انتخابات کے انتظار کے سواکوئی اور آپشن باقی نہیں رہا اس لیے انکو عام انتخابات کا صبر کے ساتھ انتظار کر نا چاہیے۔اتوار کے روز گور نر ہاؤس میں وائس چیئر مین وزیر اعلیٰ شکایت سیل ناصر سلمان اور حاجی محمد رمضان پرویز سمیت دیگر کی قیادت میں آنیوالے وفود سے ملاقات میں گفتگوکے دوران گور نر پنجاب چوہدری محمدسرور نے کہا کہ سیاسی مخالفین پہلے بھی اپنے تمام عزائم میں ناکام ہوچکے ہیں اب بھی وہ جتنے مر ضی پلان اور ٹارگٹ بنا لیں انکو ناکامی کے سواکچھ نہیں ملے گا کیونکہ پار لیمنٹ سمیت ہر فورم پر اپوزیشن کا انتشار اور فساد پر مبنی بیانیہ مستر دہوچکا ہے اس لیے اپوزیشن کو ضد ‘احتجاجی مارچ اور دھر نوں کی دھمکیوں کی سیاست کو چھوڑ دینا چاہیے۔
گور نر پنجاب چوہدری محمد سرورنے کہا کہ 26مارچ سے اپوزیشن اگر لانگ مارچ کر نا چاہتی ہے تووہ اسکا آئینی اور جمہوری حق ہے مگرحکومت کسی ایسے لانگ مارچ اور احتجاج سے جانیوالی نہیں بلکہ سیاسی مخالفین کے تمام عزائم کا حکومت مقابلہ کر ے گی۔ انشاء اللہ ملک میں کوئی مڈٹر م یا شارٹ ٹر م انتخابات نہیں ہوں گے بلکہ آئین وقانون کے مطابق عام انتخابات 2023میں ہی ہوں گے اور عوام اپنے ووٹ کی طاقت سے فیصلہ کر یں گے کہ وہ کس کو اقتدار میں دیکھنا چاہتے ہیں۔
گورنر پنجاب چوہدری محمدسرور نے شمالی وزیر ستان میں دہشت گردوں کے خلاف کامیاب آپر یشن پر افواج پاکستان کو خر اج تحسین پیش کرتے ہوئے کہا کہ دہشت گرد پاکستان کی ترقی امن واستحکام کے دشمن ہیں ان کیخلاف حکومت اور سیکورٹی فورسزسمیت 22کروڑ پاکستانی متحد کھڑے ہیں انشاء اللہ پاکستان سے نہ صرف دہشت گردوں بلکہ انکے سہولتوں کاروں کا بھی مکمل خاتمہ ہوگا اور ملک امن کا گہواہ بنے گا دہشت گردی کے خلاف افواج پاکستان کی قر بانیوں پر جتنا بھی فخر کیا جائے وہ کم ہے۔
