(ہم دوست نیوز):جمائمہ خان کی فلم کا پہلا ٹیزر ریلیز۔
اطلاعات کے مطابق وزیراعظم عمران خان کی سابقہ اہلیہ ، مصنفہ اور پرڈیوسر جمائمہ خان کی کراس کلچرل رومینٹک و کامیڈی فلم کا نیا ٹیزر ریلیز کر دیا گیا ہے۔اس فلم کا اعلان پچھلے سال نومبر 2020 میں کیا گیا تھا۔ یہ بھی بتایا گیا تھا کہ جمائمہ خان بطور پرڈیوسر اس فلم کو پرڈیوس کر رہی ہیں۔
اس فلم میں خالصتاً دیسی شادی کودکھایا گیا ہے۔ اس فلم میں سجل علی ، للی جیمس ،شبانہ اعظمی اور شہزاد لطیف سمیت دوسرے لوگ بھی شامل ہیں۔یہ فلم بالی ووڈ کے مشہور ڈائریکٹر اور فلم میکر شیکر کپور ڈائریکٹ کر رہے ہیں۔
گزشتہ دنوں اس فلم کی پہلی جھلکی جاری کر دی گئی۔ جس میں لڑکے نے سفید رنگ کا کرتہ زیب تن کیا ہوا ہے۔جس کے ساتھ ایک لڑکی کھڑی ہے۔ ایسا لگتا ہے کہ دونوں کسی شادی پر موجود ہیں۔
خیال رہے کہ رواں ہفتے کے شروع میں اداکارہ سجل علی نے بھی اپنے انسٹاگرام پر فلم واٹز لو گوٹو ڈو ود اٹ کے سیٹ سے ایک سیلفی شیئر کی۔ جس کے کیپشن میں لکھا کہ’ ایسے نہ مجھے تم دیکھو۔’
گزشتہ سال اپنے انٹرویو میں فلم ڈائریکٹر شیکر نے فلم کی کہانی کے متعلق بتایا کہ اس فلم میں بنیادی طور پر دو مختلف کلچر کے تضاد کو دکھانےکی کوشش کی گئی ہے۔ یہ ایک مزاحیہ لو سٹوری ہے۔
اس فلم میں یہ بتانے کی بھی کوشش کی گئی ہے کہ کیسے ایک تہذیب کے لوگ اپنی ذہنی پسماندگی کو چھپانے کے لیے اپنی شناخت کوچھپاتے ہیں۔اگر یہاں بات کی جائے سجل علی کی تو سجل علی اس سے پہلے بالی ووڈ کی فلم مام میں بھی اپنی اداکاری کے جوہر دکھا چکی ہیں۔ اس فلم میں انہوں نے سری دیوی کی بیٹی کا کردار نبھایا ہے۔
