کوئٹہ: (ہم دوست نیوز) اطلاعات کے مطابق پشتون آباد کی مارکیٹ میں آگ لگنے سے 100 سے زیادہ دکانیں جل گئیں ۔
ابتدائی اطلاعات کے مطابق ریسکیو حکام کا کہنا ہے واقعہ پشتون آباد کے علاقے تارو چوک میں پیش آیا ہے ۔ جہاں مارکیٹ میں آگ لگ گئی ۔ اس آگ نے دیکھتے ہی دیکھتے دیگر دکانوں کو بھی اپنی لپیٹ میں لے لیا جس سے 100 سے زیادہ دکانیں جل گئیں ۔
واقعے کی اطلاع ملتے ہی ریسکیو ٹیمیں موقع پر پہنچ گئیں جبکہ فائر بریگیڈ کی 6 گاڑیوں نے فوری طور پر آگ بجھانے کا عمل شروع کر دیا تھا ۔
ریسکیو حکام کے مطابق آتشزدگی سے 100 چھوٹی بڑی دکانیں جل گئیں ہیں ۔ دکانوں میں سامان بھی جل خاکستر ہو گیا ہے ۔ اطلاعات کے مطابق آگ سے متاثرہ مارکیٹ میں زیادہ تر کپڑے کی دکانیں ہیں ۔
ابتدائی اطلاعات کے مطابق مارکیٹ میں آتشزدگی کا واقعہ شارٹ سرکٹ کے باعث پیش آیا ۔
یہ بھی پڑھیں
آئل ڈپو میں خوفناک آتشزدگی
