جماعت اسلامی کا حکومت کے خلاف اعلان جنگ

سوات:(ہم دوست نیوز) امیر جماعت اسلامی سراج الحق کی طرف سے حکومت کیخلاف جنگ کا اعلان کر دیا گیا ہے ۔انہوں نے کہا کہ ملک میں نئے الیکشن کی ضرورت ہے۔

امیر جماعت اسلامی سراج الحق نے سوات میں پریس کانفرنس کرتے ہوئے کہا کہ 9 برسوں میں خیبر پختونخوا میں کچھ بھی نہیں بدلا، خیبر پختونخوا ٹارگٹ کلنگ اور بدامنی کا شکار ہے اور عوام کو کسی قسم کا کوئی تحفظ حاصل نہیں۔

ملک کے مختلف شہروں میں موسلادھار بارش

امیر جماعت اسلامی نے کہا کہ ملک میں سلیکشن کے بجائے صاف اور شفاف الیکشن کی ضرورت ہے،تاہم بدقسمتی یہ ہے کہ یہاں عہدے کیلئے ممبران اسمبلی اور سینیٹر کو خریدا جاتا ہے۔

سراج الحق کا کہنا تھا کہ پی ڈی ایم اور پاکستان تحریک انصاف عوام کیلئے نہیں ہیں، آج سے میں موجودہ حکومت کیخلاف اعلان جنگ کرتا ہوں، کیونکہ موجودہ حکمرانوں کی وجہ سے غریب لوگ تباہ ہو رہے ہیں۔

انہوں نے کہا کہ موجودہ حکمرانوں کو قومی مسائل اور غریب لوگوں کا کوئی احساس نہیں، موجودہ حکمران اور پاکستان تحریک انصاف سب اپنے ذاتی مفادات کیلئے لڑ رہے ہیں۔